Qazaxıstan Prezidenti Kasım-Jomart Tokayev Silahlı Qüvvələrin Xüsusi Əməliyyat Qüvvələrinin komandanı Aydos Mirzaxmetovun ölkənin yeni müdafiə naziri təyin edilməsi haqqında fərman imzalayıb.
Oxu.Az xəbər verir ki, bu barədə Qazaxıstan liderinin mətbuat xidməti məlumat verib.
Daha əvvəl Tokayev Xəzər dənizində keçirilən təlimlər zamanı hərbçilərin həlak olmasından sonra Dauren Kosanovu müdafiə naziri vəzifəsindən azad etmişdi.
Bundan başqa, Tokayev Xəzər dənizindəki təlimlər zamanı həlak olan 14 hərbçini hərbi vəzifələrini yerinə yetirərkən göstərdikləri şücaət və fədakarlığa görə ölümündən sonra igidlik ordenləri ilə təltif edib.
Qazaxıstan Prezidenti Kasım-Jomart Tokayev müdafiə naziri Dauren Kosanovu vəzifəsindən azad edib.
Oxu.Az xəbər verir ki, müvafiq məlumat Qazaxıstan prezidentinin saytında dərc olunub.
Qeyd edək ki, Kosanov 2025-ci il iyunun 8-də Müdafiə Nazirliyinin rəhbəri vəzifəsinə təyin edilmişdi.
İstefa Xəzər dənizində keçirilən təlimlər zamanı 14 qazaxıstanlı hərbçinin həlak olmasından bir neçə gün sonra baş verib.
Xatırladaq ki, sentyabrın 24-də Manqistau vilayətindəki təlimlər zamanı şəxsi heyətin "Kaysar" katerindən enməsi vaxtı su axını hərbçiləri dənizə aparıb. Üç nəfəri xilas etmək mümkün olub, 14 nəfər isə həlak olub.
