Tramp Baydendə xərçəngin aşkarlanmasına münasibət bildirdi

ABŞ Prezidenti Donald Tramp sələfi Co Baydendə prostat vəzisi xərçənginin aşkarlanması xəbərlərinə münasibət bildirib.

Oxu.Az-ın məlumatına görə, Tramp bu barədə özünün "Truth Social" hesabında paylaşım edib.

Ağ Ev rəhbəri Co Baydenə və ailəsinə xoş arzularını çatdırıb, onun tezliklə sağalmasını diləyib:

"Melaniya və mən Co Baydenin tibbi diaqnozu ilə bağlı xəbərlərdən kədərləndik. Jill və ailəsinə ən səmimi, xoş arzularımızı çatdırırıq. Coya isə tezliklə və uğurla sağalmasını arzu edirik", - deyə o bildirib.

Qeyd edək ki, daha əvvəl Co Baydenə prostat vəzisi xərçənginin aqressiv forması diaqnozu qoyulub. Siyasətçinin komandası bildirib ki, keçmiş prezident ötən həftə sidik ifrazı ilə bağlı problemlər səbəbi ilə tibbi müayinədən keçib, mayın 16-da isə onun sümüklərində metastazlar aşkarlanıb və onkoloji xəstəlik diaqnozu qoyulub.