Türkiyə və ABŞ Vaşinqtonun ədliyyə naziri Əbdülhəmid Gül və daxili işlər naziri Süleyman Soyluya qarşı tətbiq etdiyi sanksiyalarla bağlı ilkin razılaşma əldə edib.
Oxu.Az xəbər verir ki, bununla bağlı “The Daily Sabah” nəşri Türkiyə diplomatik mənbələrinə istinadla məlumat yayıb.
Nəşrin məlumatına görə, tərəflər diplomatik əlaqələri inkişaf etdirməyə və mövcud problemlərin həllinə hazırdır. Türkiyədən olan nümayəndə heyəti yaxın iki həftə ərzində sanksiyalarla bağlı danışıqlar üçün ABŞ-a səfər edəcək.
Bundan əvvəl Türkiyə prezidenti Rəcəb Tayyib Ərdoğan bəyan edib ki, cavab tədbirləri çərçivəsində Türkiyə ABŞ ədliyyə və daxili işlər nazirlərinin aktivlərini donduracaq. Buna qədər ABŞ iki türkiyəli nazirə qarşı sanksiya tətbiq edib.
