Türkiyənin Konya şəhərinin Hüyük rayonu yaxınlığında sərnişin avtobusu xəndəyə aşıb.
Bu barədə Oxu.Az İHA-ya istinadən məlumat verir.
Məlumata görə, qəza İsparta-Beyşehir avtomobil yolunun Hüyük rayonu yaxınlığında baş verib. Antalya-İğdır marşrutu üzrə hərəkət edən şəhərlərarası sərnişin avtobusu sürücünün idarəetməni itirməsi nəticəsində yoldan çıxaraq Beyşehirdən təxminən 20 kilometr aralıda xəndəyə aşıb. Qəza nəticəsində avtobusda olan 45 nəfər yaralanıb, onlardan əksəriyyəti yüngül xəsarətlər alıb. Yaralılar təcili yardımla Beyşehir Dövlət Xəstəxanasına aparılıb.
Qəza ilə bağlı araşdırmalar davam edir.
Qaynar xətt:
(055) 224 12 12
