Polşanın Baş naziri Donald Tusk və Ukrayna Prezidenti Volodimir Zelenski hava hücumundan müdafiə sahəsində əməkdaşlığı müzakirə ediblər.
Oxu.Az TASS-a istinadən xəbər verir ki, bu barədə Donald Tusk "X" sosial şəbəkəsində paylaşım edib.
"Volodimir Zelenski məni Vaşinqtonda ABŞ Prezidenti Donald Trampla apardığı danışıqların gedişi barədə məlumatlandırdı. Biz, həmçinin Polşanın Ukraynaya investisiyalarını və raket əleyhinə müdafiə sahəsində əməkdaşlığı müzakirə etdik", - deyə Tusk bildirib.
Tərəflər arasında görüş təxminən bir saat davam edib.
Polşa KİV-in məlumatına görə, Tusk və Zelenski ABŞ Prezidenti Donald Trampın vəd etdiyi lisenziya əsasında "Patriot" hava hücumundan müdafiə sistemləri üçün raketlərin Polşa ərazisində istehsalı ilə bağlı Varşavanın təklifini də müzakirə etmiş ola bilərlər.
