Goranboyda avtomobil atı vurub, daha sonra kanala düşüb

Goranboyda yol-nəqliyyat hadisəsi baş verib.

Oxu.Az APA-ya istinadən xəbər verir ki, hadisə Bakı-Qazax magistralında qeydə alınıb. 22 yaşlı Murad Fəttahovun idarə etdiyi minik avtomobili gecə saatlarında qarşısına qəfil çıxan atı vurub. Daha sonra magistral yolun arakəsmə dəmirlərinə çırpılan avtomobil idarəetmədən çıxaraq su kanalına düşüb.

Hadisə yerinə çağırılan təcili tibbi yardım briqadası sürücüyə tibbi yardım göstərib.

Faktla bağlı araşdırma aparılır.