Göyçaydakı güclü küləyin fəsadları sahibkarlardan yan ötüşməyib

Göyçayda əsən güclü küləyin fəsadları sahibkarlardan yan ötüşməyib.

Oxu.Az xəbər verir ki, şiddətli külək sahibkarlara ciddi ziyan vurub.

Zərərçəkən Dilqəm Əsgərovun sözlərinə görə, irigövdəli çinar ağacı mağazaların damına aşıb və nəticədə xeyli ziyan dəyib.

Digər zərərçəkmiş Həsənağa Həsənzadə isə deyir ki, gecədən əsən külək sahib olduğu obyektə külli miqdarda ziyan vurub:

"Uzunluğu 100 metrə yaxın olan dam örtüyü sıradan çıxıb. Avadanlıqlara ziyan dəyib. Külək dam örtüyünü obyektin arxasındakı xurma bağında olan ağacların üzərinə aşıraraq onları məhv edib. Belə külək hələ indiyə kimi olmamışdı".

Ətraflı Baku TV-nin süjetində:

Göyçaydakı güclü küləyin fəsadları sahibkarlardan yan ötüşməyib

14 dekabr, 11:28

Gecədən əsən güclü külək Göyçayda fəsadlar törədib.

Oxu.Az "Report"a istinadən xəbər verir ki, güclü külək səbəbindən rayonda elektrik enerjisinin verilişi dayanıb.

Şəhər ərazisində bir neçə irigövdəli ağaclar aşıb, çoxmərtəbəli binaların dam örtüyü uçub, ticarət obyektlərinə ziyan dəyib.

Hazırda fəsadların aradan qaldırılması istiqamətində aidiyyəti qurumların əməkdaşları əraziyə cəlb olunublar, təcili və təxirə salınmaz zəruri işləri həyata keçirilir.