Hacıqabulda üç nəfərin ölümünə səbəb olan qəzanın ANBAAN GÖRÜNTÜSÜ

Hacıqabulda baş verən yol-nəqliyyat hadisəsinin daha bir videogörüntüsü yayılıb.

Oxu.Az yanvarın 2-də rayon ərazisində Bakı-Qazax magistral yolunun Hacıqabul rayonundan keçən hissəsində VAZ-2107 markalı avtomobilin "Mercedes" markalı nəqliyyat vasitəsinə, daha sonra digər avtomaşına çırpılmasının anbaan görüntülərini təqdim edir:

11:20

Hacıqabulda baş verən yol-nəqliyyat hadisəsi zamanı xəsarət alan dörd nəfər ambulator müalicə üçün evə buraxılıb.

Bu barədə Oxu.Az-ın sorğusuna cavab olaraq Şirvan Şəhər Mərkəzi Xəstəxanasından məlumat verilib.

"Yanvarın 2-də Hacıqabul rayon Qədirxum ərazisində baş verən yol-nəqliyyat hadisəsi zamanı xəsarət alan yeddi nəfər (dörd kişi, üç qadın cinsli) Şirvan Şəhər Mərkəzi Xəstəxanasına hospitalizasiya olunub.

Həkimlərin səylərinə baxmayaraq 1996-cı il təvəllüdlü Aminə Fikrət qızı Qəhrəmanovanın, 2018-ci il təvəllüdlü Günel Vilayət qızı Qəhrəmanovanın və 2016-cı il təvəllüdlü Yusif Zamin oğlu Qəhrəmanovun həyatını xilas etmək mümkün olmayıb.

Digər dörd nəfər isə zəruri tibbi xidmət göstərildikdən sonra ambulator müalicə üçün evə buraxılıb", - deyə məlumatda qeyd olunub.

Aygün Mirakif

10:32

Hacıqabulda baş verən yol-nəqliyyat hadisəsi zamanı ölənlərin sayı üçə çatıb, dörd nəfər xəsarət alıb.

Oxu.Az "Report"a istinadən xəbər verir ki, yanvarın 2-də rayon ərazisində baş verən zəncirvari qəza nəticəsində 1996-cı il təvəllüdlü Aminə Fikrət qızı Qəhrəmanova, 2018-ci il təvəllüdlü Günel Vilayət qızı Qəhrəmanova və 2016-cı il təvəllüdlü Yusif Zamin oğlu Qəhrəmanov həkimlərin səyinə baxmayaraq, xəstəxanada ölüblər.

Qeyd edək ki, ötən gün axşam saatlarında Bakı-Qazax magistral yolunun Hacıqabul rayonundan keçən hissəsində VAZ-2107 markalı avtomobil "Mercedes" markalı nəqliyyat vasitəsinə, daha sonra digər avtomaşına çırpılıb, nəticədə yeddi nəfər yaralanıb. Onlardan üçü xəstəxanada dünyasını dəyişib.

Faktla bağlı araşdırma aparılır.