Kürdəmirin Şüşün kənd sakini, 43 yaşlı Rəşad Cəfərov kənddən keçən su kanalına yıxılaraq həyatını itirib.
Hadisənin şahidi o anları Baku TV-yə belə təsvir edib:
"Telefonun işığını yandırıb ətrafa baxırdım ki, heyvan olub-olmadığını yoxlayım. Birdən suyun kənarında ayaqqabı gördüm. Səsləndim ki, "Rəşad, buradasanmı?" Uşaqlar uzaqdan qışqırdılar ki, xeyr, orada deyil. Onu sudan çıxardıq, süni nəfəs verəndə gördük ki, artıq heç bir həyat əlaməti yoxdur".
Mərhumun qardaşı Rəşad Cəfərovun uşaqlıqdan sudan qorxduğunu və üzməyi bacarmadığını bildirib:
"Hadisənin dəqiq necə baş verdiyini biz də bilmirik. Üzməyi bacarmırdı, uşaqlıqdan sudan qorxardı. Çox güman ki, yorğun olub və müvazinətini itirərək kanala yıxılıb. Hadisə baş verən vaxt tək imiş, işdən evə qayıdırmış. İki oğlu var: böyük oğlu hazırda hərbi xidmətdədir, kiçik oğlu isə doqquzuncu sinfi bitirib. O, fəhləlik edərək ailəsini dolandırırdı".
Faktla bağlı Kürdəmir Rayon Prokurorluğunda araşdırma aparılır.
Kürdəmir rayonunda 43 yaşlı kişi kanalda boğulub.
Oxu.Az-ın məlumatına görə, hadisə iyunun 20-də rayonun Şüşün kəndi ərazisində baş verib.
Kənd sakini 1983-cü il təvəllüdlü Rəşad Cəfərov kənd ərazisindən keçən su kanalında çimərkən boğulub.
R.Cəfərovun meyiti sudan çıxarılaraq aidiyyəti üzrə təhvil verilib.
Faktla bağlı araşdırma aparılır.
