"Respublika Təcili və Təxirəsalınmaz Tibbi Yardım Mərkəzinə aprelin 24-də səhər saat 8:00-da Lerik rayonu ərazisindən yol-nəqliyyat hadisəsinin baş verməsi səbəbilə çağırış daxil olub".
Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib. Bildirilib ki, çağırış ünvanına təcili tibbi yardım briqadaları cəlb olunub:
"Təcili yardım briqadası tərəfindən xəsarət alan iki nəfər (biri qadın, biri kişi cinsli olmaqla) Masallı Rayon Mərkəzi Xəstəxanasına, bir nəfər (qadın cinsli) Yardımlı Rayon Mərkəzi Xəstəxanasına hospitalizasiya olunub".
Qeyd edilib ki, Masallı Rayon Mərkəzi Xəstəxanasına hospitalizasiya olunan hər iki şəxsin vəziyyəti qənaətbəxş qiymətləndirilir:
"Yardımlı Rayon Mərkəzi Xəstəxanasına hospitalizasiya olunan şəxsin isə (qadın cinsli) bütün tədbirlərin göstərilməsinə baxmayaraq, saat 09:25-də ölüm faktı qeydə alınıb".
Aləmdə Nəsib
"Aprelin 24-də səhər saat 8-də Elman Qasımov idarə etdiyi "Ford Transit" markalı avtomobillə Lerik rayonunun Zenonu kəndi ərazisində idarəetməni itirib və nəqliyyat vasitəsi aşıb".
Bu barədə Oxu.Az-ın sorğusuna cavab olaraq Daxili İşlər Nazirliyinin (DİN) Mətbuat Xidmətinin Lənkəran regional qrupundan məlumat verilib.
Bildirilib ki, qəza nəticəsində avtomobildə olan sərnişin 68 yaşlı R.Qasımova ölüb, sürücü və digər sərnişin xəsarət alıb.
Faktla bağlı araşdırma aparılır.
Lerik rayonunda ölümlə nəticələnən yol-nəqliyyat hadisəsi olub.
Oxu.Az "Report"a istinadən xəbər verir ki, hadisə rayonun Zenoni kəndi yaxınlığında baş verib.
İlkin məlumata əsasən, "Ford" markalı mikroavtobusun yoldan çıxaraq aşması nəticəsində Yardımlı rayon sakini ölüb, dörd nəfər isə müxtəlif dərəcəli bədən xəsarətləri alıb.
Yaralılar Yardımlı Rayon Mərkəzi Xəstəxanasına aparılıb.
