Səfir: "Qazaxıstan və Azərbaycan yalnız sözdə deyil, əməldə də müttəfiqdirlər"

"Dost dar gündə tanınar. Buna görə də Qazaxıstan və Azərbaycan həm sevinci, həm də kədəri birlikdə bölüşür"

Bunu Oxu.Az-a açıqlamasında Qazaxıstanın Azərbaycandakı səfiri Alim Bayel deyib.

O bildirib ki, prezidentlər Kasım-Jomart Tokayevin və İlham Əliyevin tapşırığına əsasən, hər iki ölkənin aidiyyəti qurumları aviaqəzanın səbəblərinin araşdırılması və ilkin yardımın göstərilməsi üçün birgə lazımi tədbirlər görür:

"Qardaş ölkələr yüksək həmrəylik və qarşılıqlı yardım nümunəsini sərgiləyirlər. Dövlət strukturları prosesləri birgə koordinasiya edir, xilasedicilər, tibb və nəqliyyat işçiləri operativ şəkildə öz işini görüblər, biganə qalmayan Qazaxıstan vətəndaşları qan veriblər və Azərbaycanın Aktauda və Astanada yerləşən xarici nümayəndəliklərinin qarşısında gül dəstələri qoyublar. Faciə göstərib ki. Qazaxıstan və Azərbaycan yalnız sözdə deyil, əməldə də müttəfiqdirlər".

Mərahim Nəsib