"Atletik Bilbao"ya məğlub olan "Real Madrid" beş il sonra antirekordu təkrarlayıb

İspaniyanın "Real Madrid" komandası beş ildən sonra antirekordunu təkrarlayıb.

Oxu.Az xəbər verir ki, bu, Madrid təmsilçisinin La Liqanın XIX turunun öncədən keçirilən matçında səfərdə "Atletik Bilbao"ya uduzması (1:2) ilə reallaşıb.

Beləliklə, "Kral" klubu cari mövsümdəki 5-ci oyununda məğlub olub.

Hazırkı ölkə çempionu son olaraq 2020/2021 mövsümünün ilk yarısında 5 qarşılaşmada yenilib.

Qeyd edək ki, "Real Madrid" daha əvvəl Çempionlar Liqasında İngiltərənin "Liverpul" (0:2), İtaliyanın "Milan" (1:3), Fransanın "Lill" (0:1) komandalarına, La Liqada isə "Barselona"ya (0:4) uduzub.