AVRO-2024: İtaliya millisi çətin qələbə qazandı

Almaniyada təşkil edilən futbol üzrə Avropa çempionatının B qrupunda İtaliya və Albaniya milliləri üz-üzə gəliblər.

Oxu.Az xəbər verir ki, gərgin keçən oyunda İtaliya millisi 2:1 hesabı ilə qələbə qazanıb.

Bununla da italiyalılar birinci turda ilk üç xallarını əldə ediblər.

İtaliya - Albaniya - 2:1. Qollar: Bayrami, 1 (0:1), Bastoni, 11 (1:1), Barella, 16 (2:1).

23:04

Futbol üzrə Avropa çempionatının qrup mərhələsinin I turunda günün son oyunu start götürüb.

Oxu.Az xəbər verir ki, "Siqnal İduna Park"da başlayan görüşdə B qrupunun iki komandası - İtaliya və Albaniya yığmaları üz-üzə gəlir.

Qarşılaşmanı almaniyalı baş hakim Feliks Çvayer idarə edir.

22:16

Futbol üzrə Avropa çempionatının qrup mərhələsinin I turunda İspaniya və Xorvatiya yığmaları üz-üzə gəliblər.

Oxu.Az xəbər verir ki, Berlin Olimpiya stadionunda baş tutan matçda ispanlar 3:0 hesablı qələbəyə sevinib.

İspaniya - Xorvatiya - 3:0. Qollar: Morata, 29, Ruiz, 32, Karvahal, 45+2.

20:02

Futbol üzrə Avropa çempionatının qrup mərhələsinin I turunda daha bir oyun start götürüb.

Oxu.Az xəbər verir ki, Berlin Olimpiya stadionunda başlayan görüşdə B qrupunun iki təmsilçisi - İspaniya və Xorvatiya yığmaları üz-üzə gəlir.

Qarşılaşmanı ingiltərəli baş hakim Maykl Oliver idarə edir.

AVRO-2024: İtaliya millisi çətin qələbə qazandı

19:08

Futbol üzrə Avropa çempionatının I turunda üz-üzə gələn Macarıstan və İsveçrə yığmalarının görüşü başa çatıb.

Oxu.Az xəbər verir ki, yekun nəticədə İsveçrə millisi oyunu qələbə ilə başa vuraraq (3:1) A qrupunda ilk üç xalını əldə edib.

Qeyd edək ki, bu qrupun ilk oyununda Almaniya Şotlandiya seçməsinə 5:1 hesabı ilə qalib gəlib.

Macarıstan - İsveçrə - 1:3 Qollar: Duah, 12 (0:1), Aebiçer, 45 (0:2), Varqa, 66 (1:2), Embolo, 90+3 (1:3) Köln, "Reyn Enerqi" stadionu.

17:04

Avropa çempionatının A qrupunda növbəti oyun keçirilir.

Oxu.Az xəbər verir ki, günün ilk qarşılaşmasında Macarıstan və İsveçrə kollektivləri üz-üzə gəlirlər.

Qeyd edək ki, qrupun ilk oyununda Almaniya Şotlandiyanı 5:1 hesabı ilə məğlub edib.

AVRO-2024: İtaliya millisi çətin qələbə qazandı

08:00

Bu gün Avropa çempionatında daha üç qarşılaşma keçiriləcək.

Oxu.Az xəbər verir ki, Macarıstan İsveçrə, İspaniya Xorvatiya, İtaliya isə Albaniya ilə üz-üzə gələcək.

Macarıstan-İsveçrə görüşü Bakı vaxtı ilə saat 17:00-da başlayacaq.

İspaniya-Xorvatiya ilə saat 20:00-da, İtaliya isə Albaniya ilə saat 23:00-da qarşılaşacaq.

15 iyun

A qrupu

Macarıstan-İsveçrə

Saat 17:00 - Köln Stadionu

B qrupu

İspaniya-Xorvatiya

Saat 20:00 - Berlin Olimpiya Stadionu

İtaliya-Albaniya

Saat 23:00 - "Signal İduna Park"