Avropa çempionatının açılış matçını izləmək istəyən azarkeş piyada 42 gün yol getdi

Şotlandiyalı azarkeş Kreyq Fergüson Avropa çempionatının açılış matçını izləmək üçün Qlazqo şəhərindən Münhenə piyada 42 gün yol qət edib.

Məlumata görə, Fergüson ümumilikdə 1 600 kilometr yol gedib.

Kreyq Almaniyada həmvətənləri tərəfindən su və şampanla qarşılanıb. Bununla bağlı sosial şəbəkələrdə video da yayılıb.

Qeyd edək ki, Avropa çempionatının açılış matçı Bakı vaxtı ilə bu gün, saat 23:00-da təşkilatçı ölkə Almaniya və Şotlandiya milliləri arasında keçiriləcək.

Mənbə: Marca.com