Bu gecə Avropa Liqasında qrup mərhələsinin II turunun çərçivəsində “Qarabağ” növbəti oyuna çıxacaq.
Oxu.Az xəbər verir ki, qitənin ikinci dərəcəli klub turnirində mübarizəni davam etdirən Ağdamın təmsilçisi İtaliya nəhənglərindən olan “İnter”lə qarşılaşacaq.
“Cüzeppe Meattsa” stadionunda keçiriləcək qarşılaşma Bakı vaxtı ilə saat 00:05-də start götürəcək. “İnter”in qonağı olacaq “Qarabağ”ın Milan səfərindəki matçı canlı yayımlanacaq. 2 oktyabrda Bakı vaxtı ilə saat 00:05-də start götürəcək qarşılaşmanı azarkeşlər AzTV-dən canlı olaraq izləyə bilərlər.
2 oktyabr
Avropa Liqası, qrup mərhələsinin II turu
00:05. “İnter” (İtaliya) - “Qarabağ” (Azərbaycan)
Hakimlər: Aleksey Kulbakov, Dmitri Juk, Andrey Getsikov, Oleq Maslyanka (Belarus)
Milan. “Cüzeppe Meatsa” stadionu
S Komandalar O Q H M T-F Xal
1. “İnter” 1 1 0 0 1:0 3
2. “Sent-Etyen” 1 0 1 0 0:0 1
3. “Qarabağ” 1 0 1 0 0:0 1
4. “Dnepr” 1 0 0 1 0:1 0
Qeyd edək ki, Avropa Liqasının Qrup mərhələsinin ilk turunda Bakıda “Qarabağ” klubu “Sent Etyen”dən bir xal alıb (0:0). Komanda sentyabrın 29-da İtaliyaya yollanıb.
Elvin Əhmədov
