Azərbaycanın yüngül atletləri Sloveniyanın Maribor şəhərində keçirilən komandalararası Avropa çempionatına uğurla start veriblər.
Oxu.Az xəbər verir ki, ilk yarış günündə turnirin 3-cü divizionunda yer alan Azərbaycan milli komandasının üzvlərindən Əlhəm Nağıyev və Lamiyə Vəliyeva ilk "üçlüy"ə düşüblər.
Ə.Nağıyev 100 metr məsafəyə qaçışda 10.42 saniyə nəticə ilə 14 atletin mübarizə apardığı yarışda 1-ci yeri tutub.
Eyni məsafəyə qaçışda qadınların mübarizəsində L.Vəliyeva 11.62 saniyə göstərici ilə 2-ci olub.
