Belçika İtaliyanı darmadağın etdi: Millətlər Liqasında günün digər nəticələri - Video

UEFA Millətlər Liqasının qrup mərhələsinin VI turunda İtaliya millisi Belçikanın qonağı olub.

Oxu.Az xəbər verir ki, A Liqasında keçirilən qarşılaşma ev sahiblərinin 4:1 hesablı qələbəsi ilə başa çatıb.

Görüşdə hesabı İtaliya millisi açsa da, belçikalılar ardıcıl dörd qol vuraraq inamlı qələbə qazanıblar.

11-ci dəqiqədə Françesko Pio Espozito İtaliya millisini hesabda önə çıxarıb. Lakin 15-ci dəqiqədə Maksim De Köyper tarazlığı bərpa edib. Ardınca 22-ci dəqiqədə Natan Nqoy, 26-cı dəqiqədə Jeremi Doku və 80-ci dəqiqədə Dieqo Moreyra fərqlənərək Belçikaya böyükhesablı qələbə qazandırıblar.

Qrup mərhələsinin yekunlarına əsasən, Belçika millisi 12 xalla A Liqasının I qrupunda ikinci yeri tutaraq turnirin 1/4 finalına vəsiqə qazanıb. İtaliya yığması isə 10 xalla üçüncü pillədə qərarlaşıb.

UEFA Millətlər Liqasının 1/4 final qarşılaşmaları 2027-ci ilin martında keçiriləcək.

Günün digər nəticələrini təqdim edirik:

UEFA Millətlər Liqası

A Liqası

I qrup:

Fransa - Türkiyə - 2:1.

III qrup:

Xorvatiya - Çexiya - 2:1;

İspaniya - İngiltərə - 2:3.

C Liqası

I qrup:

Belarus - Albaniya - 0:2;

Finlandiya - San-Marino - 7:2.

II qrup:

Kipr - Monteneqro - 1:4;

Latviya - Ermənistan - 0:0.