Coşqun Diniyevin çıxış etdiyi komanda baş məşqçisi ilə yolları ayırdı

Azərbaycan milli komandasının futbolçusu Coşqun Diniyevin yeni komandası olan Türkiyə "Çorum"unda baş məşqçi Serkan Özbalta istefa verib.

Oxu.Az klubun rəsmi saytına istinadən xəbər verir ki, Özbalta ilə müqaviləyə xitam verilib.

Qeyd edək ki, Türkiyə I Liqasının XXVIII turunda "Çorum" öz meydanında Azərbaycan yığmasının daha bir futbolçusu Vüsal İsgəndərlinin formasını geyindiyi "Boluspor"a 0:2 hesabı ilə uduzub. Coşqun Diniyev qarşılaşmada ümumiyyətlə oynamayıb, İsgəndərli isə 82-ci dəqiqədən meydanda olub.

Qeyd edək ki, bu nəticədən sonra "Boluspor" turnir cədvəlində 41 xalla 7-ci, "Çorum" isə 39 xalla 10-cu sırada yer alıb.