16-19 aprel tarixlərində Gürcüstanın paytaxtı Tbilisidə baş tutacaq cüdo üzrə böyüklər arasında Avropa çempionatında ölkəmizi təmsil edəcək idmançıların ilkin heyəti artıq bəlli olub.
Oxu.Az xəbər verir ki, bu barədə Azərbaycan Cüdo Federasiyası məlumat yayıb.
Təqdim edilən ilkin siyahıda 9-u kişi və 6-sı qadın olmaqla, ümumilikdə 15 cüdoçumuzun adı yer alıb.
Həmin idmançılar bunlardır: Balabəy Ağayev, Əhməd Yusifov (hər ikisi 60 kq), Ruslan Paşayev (66 kq), Hidayət Heydərov (73 kq), Zelim Tçkayev, Ömər Rəcəbli (hər ikisi 81 kq), Murad Fətiyev (90 kq), Zelim Kotsoyev (100 kq), Kənan Nəsibov (+100 kq), Könül Əliyeva, Şəfəq Həmidova (hər ikisi 48 kq), Leyla Əliyeva, Gültac Məmmədəliyeva (hər ikisi 52 kq), Südabə Ağayeva (70 kq) və Madina Kaisinova (+78 kq).
Əlavə edək ki, tatamiyə çıxacaq milli komandanın tam və yekun heyəti yarışa cəmi bir həftə qalmış ictimaiyyətə təqdim olunacaq.
