Fəaliyyətini dayandıran klublar federasiyanı çətin vəziyyətdə qoydular: “Rəsmi münasibət bildirə bilmirik”

“Son günlər sosial mediada “Xarı Bülbül Şuşa” və “Xarı Bülbül Laçın” komandalarının fəaliyyətlərinin dayandırılması ilə bağlı açıqlamalar verilib. Buna baxmayaraq, klublar tərəfindən federasiyaya məlum məsələyə dair rəsmi müraciət olunmayıb”.

Bu barədə Azərbaycan Voleybol Federasiyasının Mətbuat Xidmətindən bildirilib.

“Komandaların rəhbərlikləri dekabr ayında bizə oyunların təxirə salınması (müddət qeyd olunmayıb) ilə bağlı rəsmi məktub ünvanlayıblar. Lakin klubların tam olaraq fəaliyyətlərinin dayandırılması və çempionatda iştirak etməyəcəkləri ilə bağlı federasiyaya rəsmi müraciət olunmadığından hazırda məsələyə rəsmi münasibət bildirə bilmirik”, - deyə qurumdan vurğulanıb.

Qeyd edək ki, kişilərdən ibarət “Xarı Bülbül Şuşa” və “Xarı Bülbül Laçın” klubları maliyyə problemləri ucbatından fəaliyyətlərini dayandırıblar.