Səudiyyə Ərəbistanının "Əl-Hilal" klubunu çalışdıran Jorji Jezuş Braziliya millisinin baş məşqçisi postuna gətirilə bilər.
Oxu.Az "Goal" nəşrinə istinadən xəbər verir ki, portuqaliyalı mütəxəssis hazırda yığmanın sükanı arxasına ən real namizəd hesab olunur.
70 yaşlı baş məşqçinin təyinatının dərhal reallaşmayacağı, onun mayın 3-nə planlaşdırılan Asiya Çempionlar Liqasının finalına qədər Səudiyyə klubunda qalacağı barədə iddialar var.
Bundan əlavə, "Əl-Hilal" ölkə çempionluğu uğrunda mübarizəni davam etdirsə, J.Jezuşun komanda ilə müqaviləsinin müddəti uzadıla bilər.
Qeyd edək ki, Jorji Jezus 2019-2020-ci illərdə Braziliyada çalışıb. O, "Flamenqo" komandasına rəhbərlik edib. Jesus, həmçinin 2022-2023 mövsümündə Türkiyə nəhəngi "Fənərbağça"nı da çalışdırıb.
