Oxu.Az-ın "TOP-al" podkastının yeni buraxılışında idman jurnalisti Ceyhun Rzayev qonaq olub.
Verilişdə futbol xəbərlərinin son illərdə oyunun özündən daha sürətli yayılması, sosial medianın futbol gündəminə təsiri və idman jurnalistikasında dəyişən tendensiyalar ətrafında maraqlı müzakirələr aparılıb.
Podkast zamanı "Fabritsio Romano fenomeni futbol mediasını necə dəyişib?", "futbolu meydan idarə edir, yoxsa media?" - kimi aktual suallara cavab axtarılıb.
Həmçinin sosial şəbəkələrin futbol azarkeşlərinin davranışına təsiri, transfer şayiələrinin yaratdığı gündəm və Azərbaycan futbolunda media amilinin rolu da müzakirə olunub.
Qeyd edək ki, "TOP-al" podkastının növbəti buraxılışlarında da Azərbaycan futbolunun tanınmış simalarının iştirakı nəzərdə tutulur.
