III MDB Oyunlarında bürünc medal qazanan Azərbaycan üzgüçüləri təəssüratlarını bölüşüblər.
Oxu.Az "Report"a istinadən xəbər verir ki, bürünc medal qazanan Azərbaycan üzgüçüsü Mehri Əbdürrəhmanlı bildirib ki, III MDB Oyunlarında iştirak etmək böyük təcrübədir.
"Gələcək yarışlarda da uğurlu nəticə qazanmaq istəyirəm. Burada iştirak etmək böyük təcrübədir. Atam Rəşad Əbdürrəhmanlı da mənə dəstək oldu. Mükafatları verənlərdən biri də o idi. Ona da təşəkkür edirəm".
Qeyd edək ki, Mehri Əbdürrəhmanlı 100 metr məsafəyə "butterfly" üsulu ilə yarışda mükafat qazanıb.
III MDB Oyunlarında bürünc medal qazanan Azərbaycan üzgüçüsü Yeqor Maynitski deyib ki, onun növbəti hədəfi qızıl medal qazanmaq olacaq
O, yarışın çətin keçdiyini bildirib: "Rəriblər güclüdür. Təbii ki, yarışdan zövq alırıq. Gərgin mübarizə var. Növbəti hədəfim qızıl medal qazanmaq olacaq".
Qeyd edək ki, Yeqor Maynitski 200 metr məsafəyə dörd üslübdan ibarət fərdi üzgüçülük yarışında mükafat qazanıb.
