2026-cı il dünya çempionatının 1/4 final mərhələsində İngiltərə və Norveç yığmaları arasında keçiriləcək oyundan bir gün əvvəl "British Airways" və "Norwegian Air" aviaşirkətləri sosial şəbəkələrdə qeyri-adi mərc təşkil ediblər. Mərcə əsasən, məğlub ölkənin şirkəti0 "Instagram" hesabında loqonu qalibin xeyrinə bir günlük dəyişdirəcək.
Oxu.Az xəbər verir ki, bu barədə RBK yazıb.
"British Airways", mərc etməyə hazırsınız? Norveç qalib gəlsə, bazar günü (bir günlüyə) "Instagram"dakı loqonuzu bizim loqoya dəyişirsiniz, və ya əksi olacaq. Razısınız?", - Norveç şirkəti ilk olaraq çağırış edib və paylaşımında belə təklif irəli sürüb.
"Qazana bilməyəcəyiniz mərcə girməyin", - deyə, "British Airways" şəkildə cavab verib.
Bir müddət sonra "British Airways" rəsmi olaraq çağırışı qəbul edib və şirkətlər mərc bağlayıblar.
Qeyd edək ki, Norveç və İngiltərə arasında keçiriləcək 1/4 final oyunu iyulun 12-də Bakı vaxtı ilə saat 01:00-da başlayacaq.
