Nazim Sadıqov Bakıdakı döyüşdə qalib gələrsə, nə deyəcəyini açıqlayıb

Nazim Sadıqov Bakıdakı döyüşdə qalib gələcəyi təqdirdə mikrofonla hansı fikirləri deyəcəyini açıqlayıb.

Oxu.Az xəbər verir ki, Azərbaycanın MMA (qarışıq döyüş növləri) döyüşçüsü Nazim Sadıqov bunu xüsusi sessiya zamanı bildirib. O qeyd edib ki, qələbədən sonra yerli publika önündə "Yaşasın Azərbaycan", "Var olsun Azərbaycan" ifadələrini işlətməyi ürəkdən istəyir.

Qeyd edək ki, "UFC Fight Night" iyunun 21-də Bakıda keçiriləcək. Nazim Sadıqov Nikolas Motta (Braziliya) ilə üz-üzə gələcək.

Xatırladaq ki, Nazim Sadıqov fevralın 16-da UFC turnirində növbəti döyüşünü keçirib. O, ABŞ-nin Las-Veqas şəhərində keçirilən qarşılaşmada Braziliyadan olan İsmael Bonfim ilə üz-üzə gəlib. Təmsilçimiz rəqibinə texniki nokautla qalib gəlib. Beləliklə, Nazim Sadıqov UFC-də 10-cu qələbəsini qazanıb.

Təhməz Əsədov