Overbetting.net: Bakının Formula-1 üçün vəsaiti var

Kim Raykkonenin işlərinin düzəldiyini, Valterri Bottasın getdikcə daha stabil çıxış etdiyini nəzərə alsaq, finlərin Formula-1-də çıxışı daha sanballı olur. Bu ölkədə əksər insanlar bu iki nəfərin hər dəfə kabinəyə oturduqlarında mərcə pul qoymaq istərdilər. Rosberqə olan təzyiq artdıqca, Raykkonen və Fettelin onun səhvlərindən faydalanmaq və bu təzyiqi artırmaq şansları artır.

Berni Ekklstoun F1-in taleyini əlində saxlayan şəxsdir. O, Endi Uorloxun keyfiyyətsiz dəhşət filmlərində ifasındakı zombi kimi qurbanının boğazını sıxır. O, bəzi yarış iştirakçılarının cansıxıcı olduğundan şikayətlənir, onların şouda öz rollarını oynamalı olduğunu deyir.

Bu işdə Formula-1 sahibindən çox şey asılıdır. Yararsız və qeyri-rasional yarış sistemi seçin və qoyun onu komandalar, azarkeşlər, KİV və ya yarışçılar sınaqdan keçirsin. Sonra isə əlinizi əlinizin üstünə qoyub, hər şeyin inkişafdan qaldığını və hamının sizin planlarınızı pozduğunu deyin.

Bakının Formula-1 üçün pulu var.

Növbəti mövsümdə dəyişikliklər olacaq, onların arasında Bakının yeni yarış yeri olması son dəyişiklik deyil. Əgər sizə Fransa, Almaniya və İtaliyanın bunu özünə icazə vermədiyi halda, Azərbaycanın Qran-Prini niyə keçirdiyi maraqlıdırsa, neft buruqlarını sayın və nəticə çıxarın.

Komandalar küçələrdə keçirilən yarışları sevmirlər. Qran-Pri Monako sponsorları və KİV üçün əla turnirdir, amma komandalar normal yarış yoluna üstünlük verərdilər. Onların Bakı haqqında nə düşündüklərini fərz etmək olar. Trekin özü, əgər texniki planda əsl çağırış olmasa, azarkeşlərin yarışa olan marağını təmin etməlidir.

Əgər siz yaxın günlərdə Qran-Prini yeni Kymi Ring-də görmək istəyirsinizsə, məyus olacaqsınız. Trekin avto-idmanın ən yüksək standartlarına uyğun olaraq tikilməsinə baxmayaraq, Formula-1-in qəbul raundu Finlandiya üçün əlçatmazdır.

Müxtəlif yarışlar üçün modullar sistemini təqdim edən treki, bu və ya digər hadisənin tələblərinə uyğunlaşdırmaq üçün asanlıqla hissələrə bölmək olar. Bu həqiqətən, bir neçə təqvimə yeni mərhələlər əlavə etdirəcək çoxməqsədli yanaşmadır. Amma onların arasında Formula-1 təqvimi yoxdur.

“Şübhəsiz ki, trek Formula-1 tərəfindən qəbul ediləcək, amma Qran-pri bizim planlarımıza daxil deyil”, - Finlandiyanın avtoidman federasiyasından Kari Solberq deyib.

Formula-1 real məqsəd deyil.

Yeni trekin əsas təyinatı – MotoGP mövsümünü qəbul etməkdir. Bu ikitəkərli çılğınlıq – populyar idman növüdür, təəssüf ki, KİV tərəfindən iqnora qoyulur.  

“F1 yarışları real məqsəd deyil, çünki hər il tələb olunan pul məbləği o qədər yüksəkdir ki, ödəmək mümkün deyil. Finlandiyada bu qədər pul tapmaq mümkün deyil. Amma MotoGP və Superbikes, eləcə də GP2, GP3 və DTM bizim planlara ideal şəkildə uyğun gəlir”, - cənab Solberq etiraf edib. 

Finlandiyanın üç Formula-1 dünya çempionu var, amma indiyə qədər yarış keçirməyə trası olmayıb, indi isə yarışın qiyməti çox yüksəkdir. Almanlar Nyuburqrinqin və Hokkenxaymrinqin bu il turnir keçirmək istəmədiklərini, bunun nəticəsi olaraq isə, onların ölkəsinin 1960-cı ildən indiyə qədər ilk dəfə Qran-Prisiz qalacağını bildiriblər.

Builki mövsüm İspaniyaya yollanır, burada Rosberq uduzmamağa çalışacaq, Hemilton isə mükafat yürüşünə çıxacaq. “Ferrari” quyruqda qalaraq konstruktorlar kubokunu almaq üçün əmsal göstəricisi 1,01 olan (qırmızı maşınlarda 13,00, qalanlarında isə 500,00) “Mercedes”in planlarını pozmağa çalışacaq.

www.oxu.az