Misli Premyer Liqası: "Neftçi" "Kəpəz"lə heç-heçə etdi

Misli Premyer Liqasının XXXIII turunda "Neftçi" "Kəpəz"lə heç-heçə edib.

Oxu.Az xəbər verir ki, "Neftçi Arena"da baş tutan matç 2:2 hesabı ilə yekunlaşıb.

Meydan sahiblərinin heyətində Aleks Fernandes (24-cü dəqiqə), Emin Mahmudov (90+6-cı dəqiqə) fərqlənib. Gəncə təmsilçisinin qollarını isə Luis Paçu (50-ci dəqiqə) və Camal Cəfərov (62-ci dəqiqə) rəqib qapısından keçirib.

Bu matçdan sonra xallarının sayını 29-a çatdıran "Kəpəz" 9-cu yerdə qərarlaşıb. "Neftçi" isə 37 xalla 6-cıdır.

Qeyd edək ki, turun əvvəlki görüşlərində "Zirə" evdə "Turan Tovuz"a 1:0, "Qarabağ" isə "Sumqayıt"a 2:0 hesabı ilə qalib gəlib. "Araz-Naxçıvan" - "Sabah", "Şamaxı" - "Səbail" qarşılaşmaları isə 1:1 hesabı ilə nəticələnib.

20:08

Misli Premyer Liqasının XXXIII turunda "Qarabağ" evdə "Sumqayıt"ı məğlub edib.

Oxu.Az xəbər verir ki, "Azərsun Arena"da baş tutan qarşılaşma Ağdam təmsilçisinin 2:0 hesablı qələbəsi ilə yekunlaşıb.

Meydan sahiblərinin heyətində Yassin Benzia (59-cu dəqiqə) və Kadi Borges (82-ci dəqiqə) fərqlənib.

Ötən tur çempionluğu rəsmiləşdirən "Qarabağ" bu nəticədən sonra 80 xalla turnir cədvəlinə başçılıq edir. 8-ci yerdə olan "Sumqayıt"ın isə 30 xalı var.

XXXIII tura bu gün keçiriləcək "Neftçi" - "Kəpəz" matçı ilə yekun vurulacaq.

Qeyd edək ki, turun əvvəlki görüşlərində "Zirə" evdə "Turan Tovuz"a qalib gəlib - 1:0. "Araz-Naxçıvan" - "Sabah", "Şamaxı" - "Səbail" qarşılaşmaları isə 1:1 hesabı ilə nəticələnib.

09:36

Misli Premyer Liqasında bu gün XXXIII tura iki oyunla yekun vurulacaq.

Oxu.Az xəbər verir ki, əvvəlcə "Qarabağ" "Sumqayıt"ı qəbul edəcək.

"Azersun Arena"da baş tutacaq qarşılaşma saat 18:00-da start götürəcək.

Ötən tur çempionluğu rəsmiləşdirmiş "Qarabağ" hazırda 77 xalla turnir cədvəlinin ilk pilləsindədir. 8-ci yerdə olan "Sumqayıt"ın isə 30 xalı var.

Turun son matçı "Neftçi Arena"da "Neftçi" və "Kəpəz" komandaları arasında keçiriləcək. Rauf Cabarovun idarə edəcəyi görüş saat 20:00-da başlayacaq. "Neftçi" hazırda 36 xalla yeddinci pillədə qərarlaşıb.

Misli Premyer Liqası

IV dövrə, XXXIII tur

4 may

18:00. "Qarabağ" - "Sumqayıt"

Hakimlər: Cavid Cəlilov, Müslüm Əliyev, Gülnurə Əkbərzadə, Əkbər Əhmədov.

VAR: Nicat İsmayıllı.

AVAR: Namiq Hüseynov.

Hakim-inspektor: Asim Xudiyev.

AFFA nümayəndəsi: Məmmədəli Məmmədov.

Tofiq Bəhramov adına Respublika stadionu

20:00. "Neftçi" - "Kəpəz"

Hakimlər: Rauf Cabarov, Rahil Ramazanov, Tərlan Talıbzadə, Elvin Bayramov.

VAR: Tural Qurbanov.

AVAR: Asiman Əzizli.

Hakim-inspektor: Babək Quliyev.

AFFA nümayəndəsi: Eldəniz Musayev.

"Neftçi Arena".

Qeyd edək ki, turun əvvəlki görüşlərində "Zirə" evdə "Turan Tovuz"a qalib gəlib - 1:0. "Araz-Naxçıvan" - "Sabah", "Şamaxı" - "Səbail" qarşılaşmaları isə 1:1 hesabı ilə nəticələnib.