Premyer Liqa: XVI turun açılış oyunu bu gün Sumqayıtda keçiriləcək

Bu gün Azərbaycan Premyer Liqasında XVI tura start veriləcək.

Oxu.Az-ın məlumatına görə, açılış oyunu Sumqayıtda keçiriləcək.

Şəhərin eyniadlı komandası doğma meydanda son çempion “Qarabağ”la üz-üzə gələcək. Bu, həm də turun mərkəzi qarşılaşmasıdır. Çünki hazırda Ağdam təmsilçisi 32 xalla turnir cədvəlinə başçılıq edir, üçüncü pillədəki “kimyaçılar”ın hesabında isə 23 xal var.

Turun digər matçları dekabrın 9-10-da baş tutacaq.

Premyer Liqa

XVI tur

8 dekabr (cümə)

19:30. “Sumqayıt” - “Qarabağ”

“Kapital Bank Arena”