Misirin idman naziri Xaled Abd əl-Əziz “Facebook” vasitəsilə “Liverpul” klubunun hücumçusu Məhəmməd Salahın zədələrinin bərpası haqda danışıb.
Oxu.Az Lenta.ru-ya istinadla xəbər verir ki, nazir bildirib:
“Salahın çiyin əzələri ciddi travma alıb. O, iki həftə ərzində müalicə olunacaq”.
Abd əl-Əziz qeyd edib ki, ölkə yığmasının həkimləri ilə sıx əməkdaşlıq edilir. Salah iyunun 4-də keçiriləcək Dünya Çempionatında Misir yığmasının tərkibində iştirak etməlidir.
