Serbiya çempionatının 24-cü turunda "Srvena Zvezda" və "Partizan" futbol klubları arasında keçirilmiş Belqrad derbisində hər iki komandanın azarkeşlərinin atəşfəşanlığı və pirotexniki şousu qonaq tribunalardakı oturacaqların alovlanmasına səbəb olub.
Oxu.Az bu barədə Championat.ru-ya istinadən xəbər verir.
Hakim Pavle İliç 56-cı dəqiqədə matçı dayandırıb. Yanğınsöndürənlər dərhal hadisə yerinə gəliblər və alovu söndürüblər. Oyundakı fasilə təxminən 10 dəqiqə davam edib.
Görüş 3:0 hesabı ilə "Srvena Zvezdanın xeyrinə başa çatıb.
