UEFA Konfrans Liqasının II təsnifat mərhələsinin cavab oyununda "Sabah" - "Makkabi" (Hayfa, İsrail) ilə qarşılaşıb.
Oxu.Az xəbər verir ki, Bakıdakı "Bank Respublika Arena"da baş tutan məhsuldar görüş qonaq komandanın 6:3 hesablı qələbəsi ilə yekunlaşıb.
Təmsilçimiz səfərdə 3:0 hesabı ilə qalib gəldiyindən ümumi hesab bərabər olub və qalibi müəyyənləşdirmək üçün hər biri 15 dəqiqədən ibarət əlavə iki hissə oynanılıb. Burada da qalib tərəf bəlli olmadığından qarşılaşmanın taleyi penaltilər seriyasında müəyyənləşib.
Penaltilər seriyasında daha dəqiq oynayan (3:2) "Sabah" UEFA Konfrans Liqasının III təsnifat mərhələsinə yüksəlib.
Qeyd edək ki, Azərbaycan klubları indiyədək 10 dəfə avrokuboklarda penaltilər seriyasına çıxıblar və hər birində məğlub olublar. "Sabah" ilk dəfə bu seriyadan qalib ayrılan komanda olub.
Bu gün UEFA Konfrans Liqasının II təsnifat mərhələsində mübarizə aparan iki komandamız - "Sabah" doğma meydanda, "Zirə" isə səfərdə cavab matçına çıxacaq.
Oxu.Az xəbər verir ki, səfərdə "Makkabi Hayfa"nı 3:0 hesabı ilə məğlub edən "Sabah" bu gün doğma meydanda da etimadı doğrultmağa çalışacaq.
"Dun Ştreda"nı dörd cavabsız topla məğlub edən "Zirə" də bu gecə səfərdə meydana qələbə əzmi ilə çıxacaq.
Qeyd edək ki, "Sabah" "Makkabi Hayfa"nı Bakı vaxtı ilə saat 20:00-da qəbul edəcək. "Dun Ştreda" "Zirə" görüşü isə Bakı vaxtı ilə saat 22:30-da keçiriləcək.
1 Avqust
"Sabah" - "Makkabi Hayfa"
Saat 20:00, "Bank Respublika Arena" (Masazır)
"Dun Ştreda" - "Zirə"
Saat 22:30, "MOL Arena"(Dunayska Ştreda)
Rəylər