UEFA Konfrans Liqası: "Zirə" son dəqiqədə vurduğu qolla məğlubiyyətdən xilas oldu

UEFA Konfrans Liqasının III təsnifat mərhələsinin ilk görüşü çərçivəsində "Zirə" səfərdə Xorvatiyanın "Osiyek" klubu ilə qarşılaşıb.

Oxu.Az xəbər verir ki, "Opus Arena"da baş tutan matç heç-heçə ilə yekunlaşıb.

Görüşdə hesabı meydan sahiblərindən 39-cu dəqiqədə Anton Matkoviç açıb. Qarşılaşmanın sonuna əlavə olunan dəqiqələrdə isə Bakı klubu məğlubiyyətdən xilas olub. Rafael Utziq dəqiq zərbə ilə bərabərliyi təmin edib.

Qeyd edək ki, bu komandalar arasında cavab görüşü 1 həftədən sonra Bakıdakı "Dalğa Arena"da keçiriləcək.

08 avqust, 09:16

Bu gün UEFA Konfrans Liqasında III təsnifat mərhələsinin ilk görüşlərinə start veriləcək.

Oxu.Az xəbər verir ki, təmsilçilərimiz "Zirə" və "Sabah" ilk oyunlarını səfərdə keçirəcək.

"Zirə" Bakı vaxtı ilə saat 22:00-da "Osiyek"in (Xorvatiya), "Sabah" isə 22:45-də "Patriks"in (İrlandiya) qonağı olacaq.

Qeyd edək ki, komandalar arasında cavab matçı bir həftə sonra Bakıda keçiriləcək.

UEFA Konfrans Liqası

III təsnifat mərhələsi

"Osiyek" - "Zirə"

Saat 22:00, "Opus Arena"

"Patriks" - "Sabah"

Saat 22:45, "Tallaght Stadium"