Dünyanın ikinci raketkası, qazaxıstanlı tennisçi Yelena Rıbakina "US Open - 2026" turnirinin qalibi olub. O, finalda dünyanın bir nömrəli raketkası, belaruslu Arina Sobolenkonu 6:4, 5:7, 6:2 hesabı ilə məğlub edib.
Oxu.Az xəbər verir ki, tennisçilər kortda 2 saat 23 dəqiqə mübarizə aparıblar. Sobolenko altı eys edib, üç qoşa səhvə yol verib və qazandığı üç breyk-poyntdan birini reallaşdırıb. Rıbakina isə 11 eys edib, beş qoşa səhvə yol verib və 12 breyk-poyntdan üçünü reallaşdırıb.
"US Open - 2026" turnirinin qadınların fərdi yarışları avqustun 30-dan sentyabrın 12-dək keçirilib. Ötən il turnirin çempionu Sobolenko olub. O, 2025-ci ilin finalında amerikalı Amanda Anisimovanı məğlub edib.
Qaynar xətt:
(055) 224 12 12
