Yaponiyalı boksçu nokautla məğlub olduqdan sonra yaddaşını itirdi

Yaponiyalı boksçu Dzin Sasaki ABŞ-li kiçik Brayan Norman ilə döyüşdə nokautla məğlub olduqdan sonra yaddaşını itirib, idmançı son ay yarımlıq müddəti xatırlamır.

Oxu.Az-ın xəbərinə görə, bu barədə Yaponiyanın Daily.co.jp nəşri məlumat verib.

Mənbənin məlumatına görə, Sasaki döyüşdən dərhal sonra xəstəxanaya aparılıb. İdman zalının rəhbəri İsio Nakaya bildirib ki, boksçu son ay yarımda baş verən heç nəyi, o cümlədən bu döyüşə razılıq verdiyini də xatırlamır.

"Döyüşdən sonra Sasaki xəstəxanaya aparılıb, orada kompüter tomoqrafiyasından keçib. Qanaxma və ya digər zədələr aşkar edilməyib. Lakin baş nahiyəsindən aldığı güclü zərbədən yaddaşını itirib. Fiziki travma yoxdur, amma biz onun vəziyyətini nəzarətdə saxlayacağıq, yenidən müayinə üçün xəstəxanaya qayıdacaq", - deyə Nakaya bildirib.

23 yaşlı Sasakinin hesabında 19 qələbə (17-si nokaut), iki məğlubiyyət və bir heç-heçə var.