Yassin Benzia Tunis klubu ilə danışıqlar aparırmış

"Qarabağ"ın futbolçusu Yassin Benzia karyerasını Tunisdə davam etdirə bilər.

Oxu.Az Sport24.az-a istinadən xəbər verir ki, "Esperance" 30 yaşlı yarımmüdafiəçini heyətinə cəlb etmək istəyir.

Hətta klub əlcəzairli oyunçunun nümayəndələri ilə danışıqlara da başlayıb.

Qeyd edək ki, Benzia 2023-cü ildən "Qarabağ"da çıxış edir. Onun hazırkı müqaviləsi yayda başa çatır. Ağdam təmsilçisi futbolçuya yeni sözləşmə təklif etsə də, hələlik razılıq əldə olunmayıb.