İsrailli mütəxəssis: “Gələcəkdə Kibertəhlükəsizlik Mərkəzində yerli mütəxəssislər dərs deyəcək”

“Gələcəkdə Azərbaycan Kibertəhlükəsizlik Mərkəzində tələbələrə yerli mütəxəssislər dərs deyəcək”.

Bunu “Report”a açıqlamasında Mərkəzin rəhbəri Daniel Hoffman deyib.

İsrailli mütəxəssisin sözlərinə görə, xarici mütəxəssisləri tədricən yerli mütəxəssislər əvəz edəcək.

“Bu layihə Rəqəmsal İnkişaf və Nəqliyyat Nazirliyi ilə “Technion” Universitetinin əməkdaşlığı nəticəsində icra olunub. Hazırda “Red team” və “Green team” adlandırdığımız hücum və müdafiə qruplarına təlimlər keçilir. Ümumilikdə 3 il müddətində 1 000 mütəxəssislərin hazırlanması nəzərdə tutulur”, - deyə mütəxəssis qeyd edib.