Şagirdlərin davamiyyəti ilə bağlı SMS-xidmət dayandırılır?

İyul ayından etibarən uşaqların məktəbdə davamiyyəti barədə valideynlərə SMS-bildirişlərin verilməsi xidməti müvəqqəti dayandırılacaq.

Oxu.Az xəbər verir ki, bu barədə Trend-ə “Mobile Solutions&Marketing Technologies” şirkətindəki mənbə məlumat verib.

Mənbənin verdiyi məlumata görə, xidmət yay tətili ilə əlaqədar dayandırılır. Mənbə bildirib ki, məktəblərdə tədris ili iyunun 14-ü başa çatsa da, yekun imtahanların qiymətləri də elektron gündəliyə yazılacaq:

“Bununla əlaqədar olaraq xidmət iyunun sonunadək aktiv olacaq. Daha sonra xidmət yeni tədris ilinin başlanğıcınadək dayandırılacaq”.

U.A.
www.oxu.az