"WhatsApp" "iPhone"un bəzi modellərində işləməyəcək - SİYAHI

"WhatsApp" "iPhone"un köhnə modellərinin sahiblərinə təsir edəcək ciddi dəyişikliklərə hazırlaşır.

Oxu.Az-ın verdiyi məlumata görə, bu barədə "WABetaInfo" portalında xəbər verilib.

Bildirilib ki, mayın 5-dən etibarən "TestFlight"dakı 25.2.10.72 beta versiyası "iOS 15.1" və daha yeni versiyaları tələb edəcək. Bu o deməkdir ki, "iOS 14" və daha aşağı versiyalarda işləyən "iPhone 6", "iPhone 6 Plus", "iPhone 5s" və daha əvvəlki modellərin istifadəçiləri artıq "WhatsApp"dan istifadə edə bilməyəcəklər.

Bu qərar mesajlaşma tətbiqinin tərtibatçıları tərəfindən köhnə əməliyyat sistemlərinə dəstəyin dayandırılması ilə əlaqədardır.

Smartfonda əməliyyat sisteminin versiyasını "Parametrlər" - "Ümumi" - "Bu cihaz haqqında" bölməsində öyrənmək olar.