"YouTube"da yeni funksiya olacaq

"YouTube" platforması videotəsvirin çözümlülüyündən ayrıca olaraq, səsin keyfiyyətini seçmək imkanı verən yeni funksiyanı sınaqdan keçirir.

Bu barədə Oxu.Az "Android Authority"yə istinadla xəbər verir.

Hal-hazırda platformada səsin keyfiyyəti videotəsvirin çözümlülüyündən asılı deyil. Belə ki, 144 piksel və ya 4K seçimindən asılı olmayaraq, audio dəyişməz olaraq qalır.

Yeni funksiyada isə istifadəçilər səsin keyfiyyətini sərbəst tənzimləmək imkanı əldə edəcəklər.

Funksiyada üç seçim olacaq - "avto", "orta" və "yüksək". Yeniliyin "YouTube Premium" abunəçiləri üçün əlçatan olacağı ehtimal edilir.