Qaz ölçü qovşaqlarında daraldıcı qurğuların sərfiyyata uyğun yeniləri ilə əvəzlənməsi ilə əlaqədar bu gün Azərbaycanın bəzi rayonlarında təbii qazın verilişi məhdudlaşdırılacaq.
Oxu.Az APA-ya istinadən xəbər verir ki, “Azəriqaz” İstehsalat Birliyindən verilən məlumata görə, bu gün saat 11:00-dən 13:00-dək Xəzər rayonunun bir hissəsinə, saat 13:00-dan 15:00-dək Bərdə və Xızı rayonlarının bir hissəsinə, saat 16:00-dan 18:00-dək isə Tərtər və Siyəzən rayonlarının bir hissəsinə təbii qazın verilişində fasilələr yaranacaq.
