"Azərbaycanın işğaldan azad olunmuş əraziləri və Naxçıvan Muxtar Respublikasında halal sənayenin inkişafı üçün münbit şərait yaranacaq".
Oxu.Az xəbər verir ki, bunu Azərbaycan Qida Təhlükəsizliyi Agentliyinin sədri Qoşqar Təhməzli 2-ci Azərbaycan Halal Biznes (AZHAB) Forumunun açılış mərasimində çıxışı zamanı deyib.
O bildirib ki, Azərbaycanın işğaldan azad olunmuş əraziləri və Naxçıvan Muxtar Respublikasında Ümumdünya Heyvan Sağlamlığı Təşkilatı (ÜHST) tərəfindən xəstəlikdən azad zonalar elan olunur.
"Xəstəlikdən azad zonalarda xüsusilə təhlükəli heyvan xəstəliklərindən azad status əldə olunduqdan sonra o ərazilərdə halal sənayenin inkişafı üçün münbit şərait yaranacaq. Fürsətdən istifadə edərək Azərbaycan sahibkarlarını həm Naxçıvan Muxtar Respublikasında, həm də işğaldan azad olunmuş ərazilərdə bu işdə yaxından iştirak etməyə dəvət edirəm".
Aygün Mirakif
