Ən son xəbərləri bizim "X" səhifəmizdə izləyin

Bakıda narkokuryerlərə qarşı əməliyyatlar keçirilib
Bakının Xətai rayonunda narkokuryerlik edən şəxslərə qarşı silsilə əməliyyatlar keçirilib.
Oxu.Az xəbər verir ki, bu barədə Daxili İşlər Nazirliyindən (DİN) məlumat verilib.
Bildirilib ki, Xətai Rayon Polis İdarəsinin (RPİ) Narkotiklərlə Mübarizə Bölməsinin əməkdaşları tərəfindən həyata keçirilən sonuncu əməliyyatlar zamanı İlkin Dadaşov, Natiq Yusifov, Ruslan İsmayılov, Vüqar Əliyev, Qaryağdı Ruşanov və Elşən Muradov saxlanılıblar. Onlardan ümumilikdə 23 kiloqram heroin, tərkibi psixotrop maddələrlə zənginləşdirilən marixuana və metamfetamin aşkarlanaraq götürülüb.
Saxlanılan şəxslər narkotikləri maddi qazanc əldə etmək məqsədilə ayrı-ayrı ünvanlara yerləşdirərək paytaxt ərazisində satışını təşkil etməyi planlaşdırıblar.
İdarə əməkdaşları tərəfindən həyata keçirilən digər əməliyyatlar zamanı Bakı şəhərində narkotiklərin qanunsuz dövriyyəsini təşkil edən daha 7 şəxs saxlanılaraq istintaqa təqdim edilib.
Faktlarla bağlı cinayət işləri başlanılıb.

"Narkotik vasitələrin qanunsuz dövriyyəsi" teqi üzrə xəbərlər
- Narkotik vasitənin təsiri altında avtomobil idarə edən sürücü saxlanılıb
- Korrupsiya, narkotik istehsalı, talama: USAID bataqlığı qurudulur
- Oğuzda NARKOTİK ƏMƏLİYYATI - Üç nəfər saxlanıldı
- Qobustanda narkotik satışı ilə məşğul olan şəxslər ƏLƏ KEÇDİLƏR
- Cəbrayıl şəhərciyində qadın narkotikə görə həbs edildi
Rəylər