Şəmkir rayonunda baş verən qətl hadisəsinin təfərrüatı məlum olub.
Oxu.Az xəbər verir ki, hadisə bu gün rayonun Şiştəpə kəndi ərazisində qeydə alınıb.
İlkin ehtimala görə, rayon sakini, 1985-ci il təvəllüdlü Röyalə Hacıyeva həyat yoldaşı, 1971-ci il təvəllüdlü Arif Hacıyev tərəfindən qətlə yetirilib.
Hadisəyə cütlüyün boşanmaq məsələsi səbəb olub. Röyalə Hacıyeva həyat yoldaşından ayrılmaq istədiyini bildirib. Bundan sonra aralarında mübahisə yaranıb. Münaqişə zamanı Arif Hacıyev həyat yoldaşının boğazını kəsərək onu qətlə yetirib.
Bildirilib ki, hadisədən sonra qətli törətməkdə şübhəli bilinən şəxs özünə də xəsarət yetirib. Arif Hacıyev polis tərəfindən saxlanılıb.
Faktla bağlı araşdırma aparılır.
Şəmkir rayonunda həyat yoldaşını qətlə yetirməkdə şübhəli bilinən şəxs tutulub.
Oxu.Az xəbər verir ki, polis əməkdaşlarının keçirdikləri müvafiq tədbirlər nəticəsində 54 yaşlı rayon sakini, Arif Hacıyev saxlanılıb.
Faktla bağlı araşdırma aparılır.
Əli Məmmədov
