Sumqayıtda ərin bıçaqladığı qadın 50 gün sonra polisə şikayət etdi

"Sumqayıtda baş verən bıçaqlanma hadisəsi oktyabr ayında baş verib".

Bu barədə Oxu.Az-ın sorğusuna cavab olaraq Daxili İşlər Nazirliyinin Mətbuat Xidmətinin əməkdaşı polis leytenantı Elbrus İbrahimov məlumat verib.

"Noyabrın 30-da Sumqayıt Şəhər Polis İdarəsinin 1-ci Polis Bölməsinə 2002-ci il təvəllüdlü Z.Məmmədli müraciət edərək cari il oktyabrın 11-də yaşadığı mənzildə əri tərəfindən fiziki zorakılığa məruz qaldığını və kəsici alətlə onun qol nahiyəsinə xəsarət yetirdiyini bildirib.

Hazırda müraciət üzrə təhqiqat araşdırmaları aparılır", - deyə məlumatda bildirilib.

Əzizə İsmayılova

10:04

Sumqayıtda ər arvadını bıçaqlayıb.

Oxu.Az APA-ya istinadən xəbər verir ki, hadisə şəhərin 9-cu mikrorayon ərazisində qeydə alınıb.

1993-cü il təvəllüdlü Vüqar Məmmədli ailə münaqişəsi zəminində həyat yoldaşı 2002-ci il təvəllüdlü Zəkiyyə Məmmədliyə bıçaqla xəsarətlər yetirib.

Yaralı dərhal xəstəxanaya çatdırılıb.

Faktla bağlı araşdırma aparılır.