Matç zamanı Belarusun himni yerinə “Nu pogodi”dən mahnı səsləndi - VİDEO

Norveçdə MECA Hockey Game xokkey turnirində Belarusun himni yerinə təşkilatçılar bir çoxlarının “Nu pogodi” cizgi filmindən tanıdığı “Kosil Yas klever” mahnısını qoşublar.

Oxu.Az-ın verdiyi məlumata görə, oyundan əvvəl idmançılar adəti üzrə iki sıraya düzülüb iştirakçı ölkələrin himnlərini dinləyirlər.

Buz meydançasının üzərində quraşdırılan kubşəkilli böyük ekranda Belarus bayrağı görünüb, lakin himnin yerinə “Kosil yas klever” səslənib.

Bu zaman norveçlilər – heç vaxt eşitmədikləri Belarusun şən himninə təəccübləniblər. Qonaq belaruslar isə nəyə görə bu mahnının səslənməsini anlaya bilməyiblər.  

Hadisəni telefonlarının yaddaşına həkk edən belaruslu azarkeşlər də heç nə anlamayıblar. Bu şən mahnının təşkilatçıların musiqi arxivinə necə düşməsi tapmaca olaraq qalır.

Hər iki komanda mahnını sakitcə dinləyib. Oyundan sonra belaruslardan rəsmi olaraq üzr istənilib.

Matçın özünə gəldikdə, Norveç yığması Belarusu 6-1 hesabı ilə məğlub edərək qalib gəlib.

Matç zamanı Belarusun himni yerinə “Nu pogodi”dən mahnı səsləndi - VİDEO

Oxu.Az yeniləndi!

ANDROID əməliyyat sistemli smartfonlar

iOS əməliyyat sistemli smartfonlar