"Atamın vəziyyəti ağırdır, təzyiqi düşüb, qızdırması çox yüksəkdir. Dünəndən bu günə səhhəti pisləşib. Həmçinin Mərkəzi Klinik Xəstəxanada infeksiyaya da yoluxub".
Bu fikirləri Oxu.Az-a açıqlamasında Şuşa Dövlət Musiqili Dram Teatrının direktoru, Əməkdar artist Yadigar Muradovun oğlu Yaşar Muradov deyib.
O qeyd edib ki, Yadigar Muradovun müalicəsi Mərkəzi Klinik Xəstəxanada aparılır:
"Hazırda reanimasiyadadır. Əsas dərdi qalıb qıraqda, infeksiya ilə mübarizə aparırıq. Bir azdan həkimlər qanını yuyacaq".
Qeyd edək ki, Əməkdar artist onkoloji xəstəlikdən əziyyət çəkir, bir müddət öncə xəstəxanaya yerləşdirilib.
Məhərrəm Əliyev
