Birinci Qarabağ müharibəsinin daha iki itkin şəhidi dəfn ediləcək

Birinci Qarabağ müharibəsində itkin düşdüyü hesab edilən və şəxsiyyəti müəyyənləşdirilən daha iki şəhid dəfn olunacaq.

Oxu.Az xəbər verir ki, bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb.

Dəfn olunacaq şəhidlərdən biri hərbçi Vaqif Sərdar oğlu Alıyev, digəri isə mülki şəxs Mirzəli Müslət oğlu Quliyevdir.

Sentyabrın 26-sı V.Alıyev Gəncə şəhəri Şəhidlər xiyabanında, M.Quliyev isə Xocavənd rayonu Qaradağlı kəndinin Şəhidlər xiyabanında dəfn olunacaqlar.