Selena Qomesin səsi dəyişdi: Nədən imtina etdi?

ABŞ-li pop-ulduz Selena Qomes özünün "Instagram" hesabında veypdən istifadəni dayandırdığını açıqlayıb.

Oxu.Az xəbər verir ki, məşhur müğənni səsində yaranan dəyişikliklərdən sonra elektron siqaret (veyp) çəkməmək barədə qərar qəbul edib.

İfaçı bu zərərli vərdişdən birdəfəlik xilas ola biləcəyinə ümid etdiyini bildirib. O, əvvəllər bu vasitədən tez-tez istifadə etdiyinə görə asılılıqdan qurtulmağın çətin olduğunu vurğulayıb.

"Sadəcə onu bildirmək istəyirəm ki, siqaret çəkirsinizsə və ya hətta veypi bircə dəfə sınamısınızsa, buna dəyməz. Bu, çox axmaqlıqdır. Mənim səsim dəyişib. Əgər kimsə mənim səsimi dinləməyi sevmirsə, bunu normal qəbul edirəm, heç bir etirazım yoxdur. Sadəcə qulaq asmayın", - deyə sənətçi qeyd edib.