Azərbaycan Həmkarlar İttifaqları Konfederasiyasının (AHİK) VIII Qurultayı keçirilib.
Oxu.Az xəbər verir ki, əvvəlcə qurultay iştirakçıları Fəxri xiyabanda ümummilli lider Heydər Əliyevin məzarını ziyarət edib, xatirəsini ehtiramla yad edərək önünə əklil və gül dəstələri qoyublar.
Daha sonra qurultay işinə başlayıb.
Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov Prezident İlham Əliyevin qurultay iştirakçılarına salamlama məktubunu oxuyub.
Reqlamentə uyğun olaraq, qurultayın rəyasət heyəti, mandat, redaksiya və hesablayıcı komissiyalarının tərkibi və katiblik seçilib, gündəlik təsdiqlənib.
Müzakirələrdən sonra AHİK-in qurultaylararası dövr üzrə və Təftiş komissiyasının hesabatları, eləcə də yeni nizamnaməsi təsdiq olunub, gələcək fəaliyyət istiqamətləri müəyyən edilib. Bununla da AHİK-in VIII Qurultayı işini başa çatdırıb.
Azərbaycan Həmkarlar İttifaqları Konfederasiyasının (AHİK) qurultayı keçirilir.
Oxu.Az xəbər verir ki, sayca VIII qurultayda AHİK-ə üzv təşkilatların nümayəndələri, hökumət üzvləri, xarici qonaqlar və başqa şəxslər iştirak edirlər.
Qurultay çərçivəsində təşkilatın hesabat məruzəsi dinləniləcək, gündəlikdə duran məsələlər müzakirə ediləcək və AHİK-in l Məclisinin keçirilməsi nəzərdə tutulur.
Məlik Məlikov
