Azərbaycanlı deputatlar Gürcüstanda parlament seçkisini müşahidə edəcəklər

Milli Məclisin Müdafiə, təhlükəsizlik və korrupsiya ilə mübarizə komitəsinin sədri, Gürcüstanla parlamentlərarası əlaqələr üzrə işçi qrupunun rəhbəri Arzu Nağıyev, deputatlardan Nizami Səfərov, Kəmaləddin Qafarov, Hikmət Məmmədov, Elşən Musayev, Sahib Alıyev, Anar Məmmədov və Tural Gəncəliyev oktyabrın 26-da Gürcüstanda keçiriləcək parlament seçkisini müşahidə etmək üçün bu ölkənin Tbilisi şəhərinə səfər edəcəklər.

Oxu.Az-a bu barədə Milli Məclisdən məlumat verilib.

Bildirib ki, Milli Məclisin deputatları Gürcüstan parlamentinə seçkinin hazırlıq səviyyəsi ilə maraqlanacaq, seçki məntəqələrində yaradılmış şəraitlə tanış olacaq, səsvermə günü vətəndaşların fəallığını və səslərin sayılması prosesini izləyəcəklər.

Deputatların səfəri oktyabrın 27-də başa çatacaq.